“Për hir të së vërtetës për Ushtrinë Çlirimtare të Kosovës (UÇK), jam i lirë të bëj ketë deklaratë të shkurtër. Ushtria Çlirimtare e Kosovës, është krijuar nga Lëvizja Popullore e Kosovës(LPK), në kuadër të sektorit të veçantë, ndërsa Azem Syla, është një ndër themeluesit e Ushtrisë Çlirimtare të Kosovës dhe ka qenë komandat i Shtabit të Përgjithshëm të Ushtrisë Çlirimtare të Kosovës”, thuhet në një deklaratë publike të Azem Sylës.“Në të ardhmen e afërt opinioni do ta ketë në duar librin për veprimtarinë time të treguar hollësisht prej viteve 70-ta deri në vitin 1999. Ndër të tjera do të zbardhen lidhjet e mia me Shqipërinë, gjatë viteve të ’70-ta, veprimtaria e ilegales dhe burgosjet në vitet e ’80-ta, kontaktet e para me Ibrahim Rugovën 1992/1993 dhe për periudhën çlirimtare deri me 1999”, thuhet më tej në këtë deklaratë publike.Kjo deklaratë e tij vjen pas rrëfimeve të disa ish-udhëheqësve të UÇK-së nëpër media, të cilët kanë dhënë rrëfime të ndryshme për formimin e UÇK-së, ku asnjëra prej tyre nuk përkon me deklaratën e bërë nga Azem Syla.