Kryeministri Hashim Thaçi vizitoi sot Prekazin, për të parë nga afër ndërtimin e kompleksit memorial Adem Jashari. Kryeministri ka parë sot edhe punimet në ndërtimin e rrugëve në këtë fshat.Ai do të vizitojë edhe sheshin Adem Jashari në Skenderaj ku do të mbjellë një fidan. Kryeministri i Republikës së Kosovës, Hashim Thaçi, vizitoi sot komunën e Drenasit ku bëri inspektimin e punëve të sheshit të qytetit “Fehmi Lladrovci”. Kryeministri Thaçi më këtë rast tha se për Drenasin dhe për gjithë Kosovën do të ketë vetëm ndryshime, prandaj është shprehur i impresionuar me punën që është bërë në këtë komunë. Ndërsa kryetari i komunës së Drenasit Nexhat Demaku ka thënë se në kuadër të projekteve që po realizon Kuvendi Komunal për këtë vit janë të parapara të realizohen mbi 30 projekte të ndryshme, të cilat do të fillojnë të realizohen brenda këtij muaji. (rtk)
